सिल्लोड (प्रतिनिधी) दि 13/07/2019.
सिल्लोड पंचायत समिती सन 2018 - 19 व 2019 - 20 च्या वार्षिक आमसभेचे आयोजन सोमवार (दि 15) रोजी माजीमंञी आ. अब्दुल सत्तार यांच्या अध्यक्षतेखाली सकाळी 11:00 वाजता सिल्लोड शहरातील शेवंताबाई मंगल कार्यालय येथे करण्यात आले आहे.
बैठकीत मागील सभेच्या कार्यवृत्तांतासह 2018 - 2019 च्या योजनांवर कामांचा प्रगती आढावा घेणे तसेच 2019 - 20 या वर्षात घ्यावयाची कामे व रुपरेषा ठरविणे तसेच तालुक्यात झालेल्या विकास कामांवर चर्चा करण्यात येणार असुन शेतकरी - शेतमजुर नागरिकांच्या विविध अडी अडचणींसंदर्भातही चर्चा करण्यात येणार आहे.
आमसभेत सिल्लोड तालुक्यातील नागरिकांच्या विद्यूत महावितरण - तहसिल कार्यालय - पंचायत समिती कार्यालयासह इतर कार्यालयातील अधिकारी -
कर्मचा-यांकडून शेतकरी - शेतमजुर - नागरिकांची होत असलेली आर्थिक अडवणुक पिळवणूक - हेळसांड - अशा विविध समस्यांसह प्रलंबित असलेले प्रश्न सामंजस्याने सोडवण्यासाठी नागरिकांनी पंचायत समिती वार्षिक आमसभेस मोठ्या संख्येने उपस्थित राहावे असे आवाहन माजीमंञी आ. अब्दुल सत्तार यांनी केले आहे.
सिल्लोड तालुक्यातील संबंधित अधिकारी,ग्रामसेवक - तलाठी -- कर्मचारी,पदाधिकारी,सरपंच - उपसरपंच नागरिकांनी आमसभेस मोठ्या संख्येने उपस्थित राहावे असे आवाहनही करण्यात आले आहे.
संदेश
कोई टिप्पणी नहीं:
एक टिप्पणी भेजें