शिर्डी ( प्रतिनिधी )-
कु.किरण जाधव.
जगभरातील करोडो भाविकांचे श्रद्धास्थान असलेल्या साईबाबांचा समाधी शताब्धी सोहळ्याच्या ऐतिहासिक सांगता समारोपाच्या उद्घाटनास देशाचे पंतप्रधान नरेंद्र मोदी येणार असल्याची माहिती जिल्ह्याचे पालकमंत्री प्रा.राम शिंदे यांनी शिर्डीत पार पडलेल्या नियोजन बैठकी प्रसंगी पत्रकार परिषदेत दिली. दरम्यान साईबाबा संस्थानच्या वतीने दि. १ ओक्टो २०१७ ते १९ ओक्टो २०१८ या कालावधीत साईबाबांच्या समाधी शताब्धी सोहळ्याचे आयोजन करण्यात आले होते. त्या अनुषंगाने या सोहळ्याच्या सांगता समारोहासाठी दि.१९ ओक्टोंबर रोजी शिर्डी येथे देशाचे पंतप्रधान नरेंद्र मोदी उपस्तीत राहणार असल्याची माहिती पालकमंत्री राम शिंदे यांनी पत्रकार परिषदेत सांगितले. मंगळवारी दुपारी पालकमंत्री यांच्या मार्गदर्शनाखाली साईबाबा संस्थानच्या सभागृहात नियोजन बैठक पार पडली यावेळी साईबाबा संस्थानचे उपाध्यक्ष चंद्रशेखर कदम, जिल्हाधिकारी राहुल द्विवेदी, साईबाबा संस्थानच्या मुख्य कार्यकारी अधिकारी रुबल अग्रवाल, प्रांताधिकारी रवींद्र ठाकरे, उपजिल्हाधिकारी मनोज घोडे, उपकार्यकारी अधिकारी बाबासाहेब घोरपडे, नाशिक विभागाचे पोलीस आयुक्त छेरींग दोरजे, पोलीस अधीक्षक रंजनकुमार शर्मा, साई मंदिराचे उपअधीक्षक आनंद भोईटे, पोलीस उप अधीक्षक डॉ सागर पाटील, तहसीलदार माणिक आहेर, नगर पंचायतचे मुख्याधिकारी सतीश दिघे, नायब तहसीलदार श्री भालेराव, भाजपचे उपजिल्हाध्यक्ष राजेंद्र गोंदकर, शहराध्यक्ष शिवाजी गोंदकर, रवींद्र गोंदकर आदीसह मान्यवर उपस्तीत होते. यावेळी पत्रकार परिषदेत बोलतांना ना. शिंदे म्हणाले कि साईबाबा विश्वस्त व्यवस्तेकडून साईबाबा समाधी शताब्धी सोहळ्याची सांगता समारोपाची जय्यत तयारी सुरु केली आहे. या दरम्यान राज्य सरकारच्या ग्रामविकास मंत्रालयाच्या पंतप्रधान आवास योजनेची सुमारे २ लाख ४४ हजार घरकुले पूर्ण झाली असून त्या लाभार्थ्यांना घरकुले देण्यासाठी या कार्यक्रमात समाविष्ट केले आहे. सभोवतालच्या चार जिल्ह्यातील थेट लाभार्थी पंतप्रधान मोदी यांच्याशी संपर्क करणार आहे. त्याच बरोबर साईबाबा संस्थानच्या अत्याधुनिक दर्शन रांग आणि विविध कामांचा उद्घाटन पंतप्रधान नरेंद्र मोदी, राज्याचे मुख्यमंत्री देवेंद्र फडणवीस , ग्रामविकासमंत्री पंकजा मुंडे ,राज्यपाल सी.विद्यासागर राव आदि मान्यवर उपस्तीत राहणार आहे. या पूर्ण शताब्धी वर्षाच्या कालखंडात देशाचे राष्ट्रपती, उपराष्ट्रपती, आणि पंतप्रधान असे महानुभव यांच्या भेटी साईबाबा संस्थानला लाभत आहेत. साईबाबांचे महत्व आणि साईबाबांच्या प्रती संपूर्ण देशाला असलेला आदर त्याचेच हे प्रतिबिंब असल्याचे ना. शिंदे यांनी सांगितले. दरम्यान विकास कामाच्या आराखड्यासाठी वापरण्यात येणारा निधी हा जरी साई भक्तांचा असेल तरी त्याचा उपयोग जनतेच्या कल्याणासाठी वापरला जातो. याठिकाणी मुख्यमंत्री येत आहे आपल्याला अपेक्षित असलेला निधी आणि विकास होण्यासाठी निधी प्राप्त करून देतील असा जिल्ह्याचा पालक मंत्री म्हणून विश्वास आहे. यासाठी मुख्यमंत्र्यांच्या माध्यमातून पंतप्रधानांकडे विनंती करणार आहे. साईबाबा विश्वस्त व्यवस्तेच्या वतीने सांगता सामारोहाचा कार्यक्रम दि. ११ ओक्टोंबर पासून सुरु करणार आहे. दि.१८, १९, २० ओक्टोंबर या तीन दिवसात देशभरातून सुमारे १५ लाख भाविक येणार असल्याचे त्यांनी सांगितले. या सर्वांची दर्शन व्यवस्तेसाठी सर्व विभागावर जबाबदारी देण्यात आली आहे. दि.१८ ओक्टोंबर रोजी समाधी मंदिर रात्रभर उघडे राहणार असल्याचे संस्थानच्या वतीने सांगण्यात आले.
चौकट- देशाचे पंतप्रधान हे सांगता समारोहासाठी शिर्डीत येत आहे हि गौरवाची बाब आहे. ते सुद्धा एक साईभक्त आहे, साईबाबांच्या दर्शनासाठी कोणा भाविकाची गैरसोय होणार नाही याची पूर्ण दखल प्रशासनाने दखल घेतली आहे. सर्व सामान्य भक्तांना दर्शन मिळाले पाहिजे.पंतप्रधान यांनी दर्शन केल्याने संपूर्ण भारत देशाने दर्शन केल्याची भावना आपल्याला बघायला मिळेल.
( पालकमंत्री प्रा. राम शिंदे )
संदेश
कोई टिप्पणी नहीं:
एक टिप्पणी भेजें