सेलू प्रतिनिधी
सेलू :- मराठवाडा विदर्भातील युवकांना आधुनिक शेतीचा अभ्यास करण्यासाठी मराठा सेवा संघ, संभाजी ब्रिगेडच्या वतीने बारामती येथे दोनदिवसिय कृषी व उद्योग अभ्यास दौऱ्याचे आयोजन करण्यात आले असल्याची माहिती संभाजी ब्रिगेडचे प्रदेशउपाध्यक्ष छगन शेरे यांनी दिली.
मराठा सेवा संघ - संभाजी ब्रिगेडचे प्रदेशाध्यक्ष प्रवीणदादा गायकवाड यांच्या संकल्पनेतून परिवर्तनवादी चळवळीतील कार्यकर्त्याना आर्थिक दृष्ट्या सक्षम करण्यासाठी शेती,उद्योग,व्यवसाय या विषयावरील अभ्यास दौर्याचे आयोजन संभाजी ब्रिगेडच्यावतीने करण्यात आलेले आहे.
बारामती येथे दिनांक २० व २१ जुलै २०१८ या दोन दिवसीय अभ्यास दौर्यामध्ये कृषी विज्ञान केंद्र पाहणी व तज्ञांचे मार्गदर्शन होणार आहे.यामध्ये कृषी विज्ञान केंद्राचे संस्थापक राजेंद्रदादा अप्पासाहेब पवार हे स्वत: मार्गदर्शन करणार आहेत.तसेच,संभाजी ब्रिगेडचे प्रदेशाध्यक्ष प्रविणदादा गायकवाड हे ही या प्रसंगी मार्गदर्शन करणार आहेत.त्यानंतर उद्योग व्यवसाय संदर्भात बी.व्ही.जी ग्रुपचे चेअरमन हणुमंतराव गायकवाड व रोहितदादा पवार हे मार्गदर्शन करणार आहेत.या प्रसंगी बारामतीमधील यशस्वी उद्योजकांशी चर्चा सञ संपन्न होणार आहे.यामध्ये उद्योजक रविंद्र काळे व राजेंद्र इंगवले हे सहभागी होणार आहेत.राञी बारामती मधील प्रचंड लोकप्रिय व विनोदी पथनाट्याचे सादरीकरण होणार आहे.दुसर्या दिवशी शरदचंद्रजी पवार वास्तु संग्राहलय व विद्या प्रतिष्ठानला भेट देण्यात येणार असुन याप्रसंगी सौ.सुनेत्रा पवार यांचे मार्गदर्शन लाभणार आहे.तसेच डायनामिक्स कंपनी,हायटेक टेक्सटाईल पार्क भेट व व्यवसाय मार्गदर्शन होणार आहे.त्याचबरोबर रिअर डेअरी भेटीचा ही सदर अभ्यास दौर्यामध्ये समावेश असून
सदर दौर्यामध्ये संभाजी ब्रिगेड पदाधिकार्यांना प्राधान्यक्रमाने प्रवेश देण्यात येईल व उर्वरित जागांचा विचार करण्यात येईल. नाव नोंदणीसाठी प्रदेश उपाध्यक्ष छगन शेरे यांच्याशी संपर्क साधावा.असे आवाहन संभाजी ब्रिगेडच्या वतीने करण्यात आले आहे.
संदेश
छान उपक्रम राबवतात या मुळे आपल्या भागातील शेतकरी शेती विषयक माहिती घेऊन आपल्या भागाचा विकास करतील
जवाब देंहटाएंअशी अपेक्षा आहे