कायदा व #सुव्यवस्थेबाबत ना. #लोणीकर यांच्याकडून आढावा.

#कायदा व #सुव्यवस्थेबाबत  ना. #लोणीकर यांच्याकडून आढावा.

विशेष.प्रतिनिधि.
समशेर खान.
परभणी, दि. १७- मुख्यमंत्री देवेंद्र फडणवीस यांच्या अध्यक्षतेखाली व केंद्रीय मंत्री नितीन गडकरी यांच्या शुभहस्ते परभणी व जालना जिल्ह्यातील विविध विकास कामांचे ई-भूमिपूजन,पूर्ण झालेल्या कामाचे लोकार्पण व मागील तीन महिन्यापासून राबविण्यात आलेल्या समाधान शिबिराचा समारोप कार्यक्रम दिनांक १९/०४/२०१८ रोजी दुपारी १२ वाजता छत्रपती  शिवाजी महाराज जिल्हा क्रीडा संकुल परभणी येथे आयोजित केला आहे.या  पार्श्वभूमीवर परभणी  दौऱ्यावर आलेले राज्याचे पाणी पुरवठा व स्वच्छता मंत्री ना. बबनराव लोणीकर  यांनी शहरातील कायदा व सुव्यवस्थेचा आढावा घेतला. जिल्ह्यातील सर्व पोलीस  ठाण्यांच्या पोलिस निरीक्षकांकडून त्यांनी कार्यक्रमाच्या  पार्श्वभूमीवर केलेल्या उपाययोजनांची माहिती जाणून घेतली.कायदा व सुव्यवस्थेच्या  दृष्टीने करावयाच्या उपायांबाबत त्यांनी सूचना केली. जिल्हा क्रीडा संकुल परीसरात कोणत्याही प्रकारे कायदा व सुव्यवस्थेचा प्रश्न निर्माण होणार नाही, याची दक्षता घेण्याचे आणि त्या अनुषंगाने बंदोबस्त ठेवण्याचे निर्देशही त्यांनी दिले.
यावेळी ना.लोणीकर  यांनी उपस्थित प्रशासनाच्या अधिकारी व कर्मचारी यांना कार्यक्रमाविषयी माहिती दिली. जिल्हाधिकारी कार्यालयात झालेल्या या  बैठकीस जिल्हाधिकारी पी. शिवशंकर, जिल्हा पोलीस अधीक्षक दिलीप झळके, निवासी उपजिल्हाधिकारी अंकुश पिनाटे, उपविभागीय अधिकारी, पोलीस प्रशासनाचे सर्व अधिकारी उपस्थित होते.