12 saal tak kee bachchee se rep par maut kee saja, posko mein sanshodhan ko caibinet kee manjoori.
new Dehli. =12 saal tak kee bachchee se rep ke doshiyon ko maut kee saja dene ke prastaav ko kaibinet kee manjooree mil gaee hai. shanivaar ko pradhaanamantree aavaas par kendreey kaibinet kee baithak mein yah phaisala liya gaya. ab sarakaar isake lie adhyaadesh laegee. kaibinet kee baithak mein ‘protekshan oph children phrom seksual ophens’ yaanee pokso ekt mein sanshodhan ko manjooree milane se 12 saal se kam umr kee bachchiyon se rep ke doshiyon ko maut kee saja die jaane ka raasta saaph ho jaega.
jammoo ke kathua aur uttar pradesh ke eta mein naabaalig bachchiyon ke saath rep kee ghatanaon ne desh ko jhakajhor kar rakh diya hai, jisake baad sarakaar naabaalig bachchiyon se rep karane vaalon ke lie kadee saja ka praavadhaan karane kee taiyaaree mein hai. shanivaar ko pokso ekt mein sanshodhan par charcha ko lekar kaibinet kee baithak bhee bulaee gaee. is sanshodhan par kaibinet kee manjooree milane par 12 saal se kam kee bachchiyon ke balaatkaar ke doshiyon ko maut kee saja die jaane ka raasta saaph ho jaega.
mahila aur baal vikaas mantree menaka gaandhee ne haal mein hee kaha tha ki vo kathua aur haal mein huee doosaree balaatkaar kee ghatanaon se bahut dukhee hain aur unaka mantraalay bahut jald hee pokso ekt mein sanshodhan ka prastaav kaibinet ke saamane pesh karega. philahaal is kaanoon mein doshiyon ke lie maut kee saja ka praavadhaan nahin hai. kaibinet kee baithak ke ek din pahale kendr sarakaar ne supreem kort mein ek janahit yaachika ke javaab mein ek patr dekar kaha hai ki vah pokso ekt mein sanshodhan karane kee prakriya shuroo kar chukee hai, jisake tahat 12 saal se kam kee bachchiyon ke saath balaatkaar ke lie phaansee kee saja ka praavadhaan hoga.
supreem kort mein is maamale kee agalee sunavaee 27 aprail ko hogee. kathua mein aath saal kee maasoom bachchee ke saath balaatkaar aur usake baad hatya kee ghatana ke baad se aise aparaadh ke lie phaansee kee saja kee maang uth rahee hai. kendreey mantree menaka gaandhee ne jab is prastaav ke baare mein kaha to unhen har taraph se isako lekar samarthan mila. naabaaligon se balaatkaar kee badhatee ghatanaon ko lekar raahul gaandhee ne bhee tveet karake pradhaanamantree ka dhyaan is or kheencha tha. raahul gaandhee ne apane tveet mein kaha tha ki sirph 2016 mein hee naabaalig bachchiyon ke saath balaatkaar ke 19,675 maamale saamane aae.
unhonne kaha tha ki pradhaanamantree ko in maamalon mein tejee se sunavaee karake peediton ko nyaay dilaane ka upaay karana chaahie. do din pahale hee menaka gaandhee ne sabhee raajyon ke mukhyamantriyon ko patr likhakar yaun utpeedan se nipatane ke lie speshal sel banaane ko kaha tha. mukhyamantriyon aur kendr shaasit pradesh ke uparaajyapaal ko likhe gae patr mein menaka gaandhee ne kaha tha ki aise maamalon kee jaanch aur saboot ikattha karane ke lie pulis ke logon kee vishesh trening honee chaahie aur raajyon mein phorensik laib kee sthaapana honee chaahie, jisase doshee bach na sake aur unhen tejee se saja dilaee ja sake.
संदेश
कोई टिप्पणी नहीं:
एक टिप्पणी भेजें