सोनपेठ येथे बारावीच्या परीक्षेस सरूवात सोनपेठ तालूक्यातून यंदा ६७० विद्यार्थी देत आहेत परीक्षा

सोनपेठ येथे बारावीच्या परीक्षेस सरूवात

सोनपेठ तालूक्यातून यंदा ६७० विद्यार्थी देत आहेत परीक्षा

सोनपेठ(राजेश खेडकर)
एच.एस.सी. (बारावी) परीक्षा फेब्रुवारी/मार्च २०१८ला आज (दि.२१ फेब्रुवारी) पासुन सुरूवात झाली असुन. सोनपेठ तालूक्यातील श्री महालिंगेश्वर माध्यमिक व उच्च माध्यमिक विद्यालय या परीक्षा केंद्रावरून कला, वाणिज्य, विज्ञान व एम.सी.व्ही.सी. शाखेतील एकंदर ३८३ विद्यार्थी व महात्मा फुले कनिष्ठ महाविद्यालय ऊखळी येथून २८७ विद्यार्थी परीक्षेस सामोरे जात आहेत. परीक्षेस शांततेत व सुरळीत सुरुवात झाली असुन; परीक्षा कॉपीमुक्त वातावरणात संपन्न व्हाव्यात यासाठी  प्रशासनही विशेष दक्ष आहे. यासाठी भरारी पथक व बैठेपथक नियुक्त करण्यात आले असल्याची माहिती गट शिक्षणाधिकारी शौकत पठाण यांनी दिली आहे. यात ऊखळी केंद्रावर केंद्र संचालक म्हणुन प्रा.राठोड, बैठे पथक प्रमुख सुरनर, दोन पुरूष व महिलांची तर सोनपेठ केंद्रावर केंद्र संचालक म्हणुन प्रा.गोविंद लहाने, बैठे पथक प्रमुख कोटलवार, दोन महिला व तीन पुरूष कर्मचारी नियुक्त केल्याचेही शौकत पठाण यांनी सांगीतले. तसेच परीक्षा केंद्रावर व केंद्रा बाहेर कोनताही अनुचित प्रकार घडूनये यासाठी सोनपेठ पोलीसांकडुनही कर्मचारी तैनात करण्यात आले असल्याचे पो.नि.सोपान सिरसाठ यांनी कळविले आहे.