भीमा कोरेगाव दंगलीतील मेंदु शोधा - संभाजी ब्रिगेड

समशेर खान
सेलू :- पुणे जिल्ह्यातील भीमा कोरेगावची लढाई पेशव्यांच्या अन्यायाविरूध्द होती. त्यात पेशव्यांचा पराभव झाला. मात्र काहीजण तो मराठ्यांच्या सैन्याचा म्हणजेच शिवरायांच्या सैन्याचा पराभव असल्याचे सांगत सुटले आहेत. त्यातून कोरेगावच्या विजयीदिनात सहभागी झालेल्या बहूजन समाजाविरूध्द मराठा मुलांची डोकी भडकवण्याचे काम करत आहेत. भीमा कोरेगावचा पराभव हा पेशव्यांचाच होता. माजलेल्या पेशव्यांची मस्ती इंग्रजाच्या सैन्यात असलेल्या दलितांनी उतरवली.
मात्र या घटनेचा संबंध जोडत मराठा दलित वाद लावणारांना मला फक्त एकच प्रश्न विचारायचा आहे की,शिवरायांच्या राज्यात गळ्यात मडकं अन् पाठीवर खराटा होता का ? शिवरायांच्या लोक कल्याणकारी समतेच्या राज्याची पुरती वाट उत्तर पेशवाईत लागली होती. त्यामुळेच मोठ्या कष्टाने मिळावलेलं रयतेचे राज्यात बेबंदशाही माजली होती. त्यातूनच शिवरायांना प्राणाहून प्रिय असलेल्या रयतेवर पुणे परिसरात होत असलेल्या अत्याचाराचा एल्गार म्हणजे भीमा कोरेगावची लढाई होती. त्यात आन्यायकारी पेशव्यांचा पराभव झाला. म्हणून त्याचा विजय साजरा होतोय. तो होत राहिल. मराठा मुलांची डोकी भडकवून त्यांना दगंल करायला लावणे मनूवादी लोकांना सहज सोप्पायं परंतू आता आमच्या धडावर आमचंच मस्तक आहे. अन् आमच्या मस्तकात आमचेच विचार आहेत. त्यामुळे फोडा आणि राज्य करा हा तुमचा जुनाचं डावं आम्ही यशस्वी होवू देणार नाही. अशी परखड प्रतिक्रिया संभाजी ब्रिगेडचेप्रदेशउपाध्यक्ष छगन शेरे यांनी दिली. तसेच या दंगलीमागील मेंदु कोणाची आहे ते शोधून त्यांच्यावर राष्ट्रीय सुरक्षा कायद्या अन्वये कडक कारवाईची  मागणी देखील छगन शेरे यांनी केली आहे.