प्रख्यात कवी राजेश रेवले यांची श्री महालिंगेश्वर विद्यालयाच्या ग्रंथालयास भेट
--------------------------------------------------
*जग, समाज समजुन घेण्यासाठी वाचन महत्वाचे आहे- राजेश रेवले
--------------------------------------------------
सोनपेठ (राजेश खेडकर)
मराठी भाषा संवर्धन पंधरवाडा निमित्त स्थानिक महाविद्यालयात काल दि. १० जानेवारी रोजी संत जनाबाई साहित्य परिषद गंगाखेडचे सदस्य, कवी प्रा.राजेश रेवले यांचे काव्य वाचन व प्रा. हनुमान व्हरगुळे यांच्या व्याखानाचे आयोजन करण्यात आले होते. कार्यक्रम संपल्यानंतर त्यांनी 'ग्रंथदान' उपक्रमातुन चर्चेत असलेल्या श्री महालिंगेश्वर विद्यालयाच्या ग्रंथालयालयास भेट दिली. ग्रंथालयातील उपलब्ध ग्रंथसंपदा व समाधानकारक असलेली विद्यार्थी वाचक संख्या पाहुन समाधान व्यक्त केले. विद्यार्थ्यांना त्यांनी कांही रचना ऐकवल्या. हॅालमधील उपस्थित विद्यार्थ्यांनी त्यांच्या
*काळ्या आईची सेवा माझा परीपाठ आहे, शेतकरी आहे मी, माझा कणा ताठ आहे....*
या शेतकरी जिवनावर आधारीत ह्रद्यस्पर्शी कवितेस टाळ्याच्या कडकडात उत्तम साथही दिली. शेवटी अगदी मोजक्या शब्दात राजेश रेवले यांनी वाचनाचे महत्व पटवुन देतांना, *जग, समाज समजुन घेण्यासाठी वाचन महत्वाचे आहे* असे सांगीतले.
यावेळी  प्रा.हनुमान व्हरगुळे, प्रा. सखाराम कदम, सोनपेठ दर्शन चे संपादक किरन स्वामी, विद्यालयाचे मुख्याध्यापक पंढरीनाथ जोशी जोशी व सहशिक्षक नामदेव निळे आदी उपस्थित होते.
विद्यार्थ्यांना कविता ऐकवल्याबद्दल तसेच वाचनाचे महत्वही पटवुन  दिल्याबद्दल विद्यालयाचे ग्रंथपाल राजेश्वर खेडकर यांनी सर्वांचे आभारी व्यक्त केले.