तालुका युवासेनेचे जयसिंग शेळके यांचा राजीनामा.राजीनामा मुळे सेलू तालुक्यात शिवसेनेला खिंडार.

सेलू प्रतिनिधी

सेलू, : येथील तालुका युवासेनेचे प्रमुख जयसिंग
शेळके यांनी नुकताच आपल्या पदाचा राजीनामा युवा सेनेचे जिल्हा युवा
अधिकारी दीपक बारहाते यांच्याकडे पाठवला आहे.
मागील दहा वर्षापासून युवा सेनेच्या माध्यमातून काम करत असताना जयसिंग शेळके यांनी
राजीनामा दिला आहे. त्यामुळे त्यांचे सहकारी युवा सेनेची पदाधिकारी
देखील राजीनामा देऊन संताप व्यक्त करत आहेत. तालुकाप्रमुख गोविंद
शर्मा,शहर चिटणीस अक्षय डिग्रसकर,उपशहरप्रमुख संतोष आवटे, विजय गायकवाड उपतालुका प्रमुख गंगाधर गाडेकर, विष्णू गायकवाड, अभिषेक
ढवळे, प्रकाश शेळके, रवी गायके, माणिक शेळके आदी युवा सेनेच्या
पदाधिकार्यांनी देखील जयसिंग शेळके यांच्या पाठोपाठ आपले
राजीनामे जिल्हा युवा अधिकारी दीपक
बारहाते यांच्याकडे पाठविले आहेत .त्यामुळे तालुक्यात युवा सेनेची बाजू सांभाळणारे सर्व प्रमुख पदाधिकारी, युवा सेनेला रामराम ठोकत
असल्यामुळे युवासेनेला तालुक्यात खिंडार पडले आहे. युवासेनेच्या
राजीनामा सत्रानंतर भाजपचे युवा नेते राहुल लोणीकर यांनी शेळके यांची भेट घेतली. या भेटीमुळे व त्यापूर्वीच्या
राजीनामा सत्रामुळे तालुक्यात राजकीय चर्चेला उधाण आले आहे. येणारी लोकसभा व विधानसभा या राजीनाम्यामुळे शिवसेनेला जबर फटका बसेल अशीच चर्चा सेलू तालुक्यात ऐकावयास मिळत आहे.