मंगळवेढा तालुक्यातील माचणूर येथील प्रतीक शिवशरण या नऊ वर्षांच्या मुलाची हत्या हा नरबळीचाच प्रकार आहे. या गुन्ह्यातील तिसरा आरोपी नानासाहेब डोके याला अटक करण्यात आली आहे, अशी माहिती सोलापूर ग्रामीणचे पोलीस अधीक्षक मनोज पाटील यांनी दिली. स्वतःसह कुटुंबातील व्यक्तींची शारिरीक व्याधीतून सुटका करण्यासाठी आणि गुप्तधनासाठी आरोपीनं प्रतीकचा नरबळी दिल्याचंही त्यांनी सांगितलं.
प्रतीक मधुकर शिवशरण (वय ९) या शाळकरी मुलाचे २८ ऑक्टोबर २०१८ रोजी सायंकाळच्या सुमारास अज्ञात व्यक्तींनी अपहरण केले होते. सहाव्या दिवशी माचणूर गावच्या शिवारात ऊसाच्या फडात प्रतीकचा मृतदेह सापडला होता. त्याच्या डोक्याचे केस काढलेले होते आणि डावा पाय कापला होता. तेथेच हिरव्या रंगाची चोळी, बांगड्याही सापडल्या होत्या. त्यामुळं हा नरबळीचा प्रकार असल्याचा संशय बळावला होता. त्याआधारे पोलिसांनी तपास केला. या संपूर्ण घटनाक्रमाची माहिती देण्यासाठी आज पोलीस अधीक्षक मनोज पाटील यांनी पत्रकार परिषद घेतली. प्रतीकची हत्या हा नरबळीच आहे. विधीसाठी टप्प्याटप्प्यानं त्याची निर्घृणपणे हत्या करण्यात आली. गुन्ह्यातील तिसरा आरोपी नानासाहेब डोके याला अटक करण्यात आली आहे. तो संत दामाजी साखर कारखान्याचा माजी संचालक आहे. स्वतःसह कुटुंबातील व्यक्तींची शारिरीक व्याधीतून सुटका करण्यासाठी आणि गुप्तधनासाठी त्यानं प्रतीकचा बळी घेतला, अशी माहिती त्यांनी दिली. भरत शिवशरण या मांत्रिकाच्या मदतीनं त्यानं प्रतीकची हत्या केली. तर एका अल्पवयीन आरोपीवरही गुन्हा दाखल करण्यात आला आहे.
मित्रांनो, हे फक्त उदाहरण आहे. अशा अनेक अंधश्रद्धा समाजात कळत नकळत आहेत. श्रद्धेचा बाजार झाला आहे. श्रद्धेच्या आणि संस्कृती च्या नावाखाली अनेक अंधश्रद्धा समाजात वावरताना दिसतात. प्रत्येक गोष्टीचा विचार करा, बळी पडू नका.
संदेश
कोई टिप्पणी नहीं:
एक टिप्पणी भेजें