गंगापूर तालुक्यात बोगस डॉक्टरांचा सुळसुळाट; बी.ए.एम.एस.डाॅक्टरने घेतला गरोदर मातेचा बळी:

दि.31/10/2019.
गंगापुर(योगेश मोरे प्रतिनिधी): शहरात पुन्हा एकदा बी.ए.एम.एस.डाॅक्टरने घेतला गरोदर मातेचा बळी...?गंगापूर तालुक्यात बोगस डॉक्टरांचा सुळसुळाट आहे. वरिष्ठ अधिका-यांची चौकशी करण्यात यावी;अशी मागणी होत आहे.शहरातील ओमसाई हॉस्पिटलमध्ये 28 वर्षीय महिलेची प्रसुती झाल्यानंतर जास्त रक्तस्त्राव झाल्याने तिचा मृत्यू झाल्याची घटना पहाटे पाच वाजता घडली आशमा हमीद शेख असे महिलेचे नाव आहे.
मिळालेल्या माहितीनुसार गंगापुर शहरातील नवीन बस स्टँड जवळ असलेल्या डॉ.अमीत गुंजाळ यांची पत्नी डॉ.सौ.अर्चना गुंजाळ यांच्या ओमसाई हॉस्पिटलमध्ये मन्सूरी कॉलनी येथील आशमा हमीद शेख वय 28 वर्ष हिला प्रसुती करिता दाखल करण्यात आले होते.डॉ.अमीत गुंजाळ व डॉ.सौ.अर्चना गुंजाळ यांनी या महिलेची प्रसुती केली,परंतु प्रसुतीनंतर आशमास जास्त रक्तस्त्राव होत असल्याने डॉ.गुंजाळ यांनी महिलेच्या नातेवाईकांना सांगितले आशमा हिचा रक्तदाब वाढला असुन औरंगाबाद येथील घाटी रुग्णालयात घेऊन जाण्याचा सल्ला दिला ल.यावर नातेवाईकांनी तत्काळ घाटी रुग्णालयात घेऊन गेले असता रात्री अडीच वाजता दाखल केले.परंतु उपचार चालू असतांना आशमा हिचा मृत्यू झाला.या घटनेची माहिती गंगापुर पोलीसांना दिल्यावरून पोलीस उपनिरीक्षक अर्जुन चौधरी व कर्मचाऱ्यांनी घाटी रुग्णालयात जाऊन पंचनामा केला. यामध्ये आशमाच्या प्रसुतीनंतर अती रक्तस्त्राव झाल्याचा पंचनामा  पोलिसांनी केल्याचे सांगितले.
आशमा हिच्यावर औरंगाबाद येथील घाटी रुग्णालयात श्ववविच्छेदन करून मृतदेहास घेऊन नातेवाईक थेट गंगापुर पोलीस ठाणे गाठत जो पर्यंत डॉ. अमीत गुंजाळ व त्यांची पत्नी डॉ.सौ. अर्चना गुंजाळ यांच्याविरोधात मनुष्य वधाचा गुन्हा दाखल होऊन अटक होत नाही तो पर्यंत मृतदेह हलवणार असा पवित्रा घेत मोठा जमाव पोलीस ठाण्यात जमा झाला होता. मात्र पोलिसांनी आश्वासन दिल्याने नातेवाईक मृत आशमावर अंत्यसंस्कार करण्यासाठी घेऊन गेले.