मानवत येथील कोक्कर कॉलनी येथे डॉ.अंकुश लाड याच्या हस्ते नाली व रोडच्या कामाचे उदघाटन  .
मानवत / मुस्तखीम बेलदार
दि.०१: मानवत शहरातील कोक्कर कॉलनी येथे २० लाख रुपयाच्या नाली व रोडच्या  विकासकामाचे उदघाटन नववर्षाच्या शुभमुहर्तावर आज दि.१ जानेवारी रोजी युवानेते डॉ.अंकुश लाड याच्या शुभहस्ते करण्यात आले.
मानवत शहरातील कोक्कर कॉलनी येथे गेल्या अनेक वर्षापासुन नाली व रस्त्याची कामे प्रलंबीत होती.परिसरातील नागरिक अनेक दिवसापासुन आपल्या परिसरामध्ये रस्ते व नाली व्हावेत अशी मागणी करत होते.तसेच मागील काहि दिवसापुर्वी परिसरातील नागरिकांच्या शिष्टमंडळाने युवानेते डॉ.अंकुश लाड याची भेट घेऊन परिसरामध्ये रस्ते व नाली व्हावेत यांची मागणी केली होती.या मागणीनुसार युवानेते डॉ.अंकुश लाड यांनी लक्ष देत मानवत नगरपरिषदच्या रोड फंडातुन रस्ते व नालीसाठी २० लाख रुपये उपलब्ध करुन दिलेत व आज दि.१ जानेवारी रोजी परिसरातील नागरिकाच्या मागणीचा विचार करुन रस्ते व नाली कामाचे उदघाटन युवानेते डॉ.अंकुश लाड याच्यां हस्ते करण्यात आले.यावेळी नगरसेवक जमील चाऊस,यशभैय्या कञुवार ,दत्ता चौधरी ,विनोद राहाटे,राजुभैय्या खरात आदीसह मोठ्याप्रमाणात परिसरातील नागरिक उपस्थीत होते.